Zëdhënsi i Ministrisë së Mbrojtjes ruse,  Igor Konashenkov ka akuzuar koalicionin e udhëhequr nga SHBA-të për bombardimin e qyetit sirian Raqqa, duke thënë se “qyteti është zhdukur nga faqja e dheut” gjatë luftës kundër Shtetit Islamik.

Forcat Demokratike të Sirisë e morrën Raqqan në javën e kaluar, ndërsa të dielen kanë deklaruar se kanë marrë nën kontrollë fushën më të madhe të naftës në Siri, transmeton portali arbresh.info

Moska e ka krahasuar Raqqa me qytetin Drezden që ishte shkatërruar gjatë Luftës së Dytë Botërore.

Koalicioni i udhëhequr nga Shtetet e Bashkuara thotë se u përpoq të minimizojë rreziqet ndaj civilëve.

Në anën tjetër, Rusia vetë është akuzuar për kryerjen e krimeve të luftës gjatë bomdardimeve në Aleppo në vitin e kaluar.

Hetuesit e OKB-së për krimet e luftës kanë deklaruar se “edhe në Raqqa është shfaqur një shifër tronditëse e njerëzve civilë që kanë humbur jetën”.

Aktivistët sirianë thonë se diku rreth 1,873 civilë janë vrarë si rezultat i sulmeve ajrore të udhëhequra nga SHBA-të./arbresh.info/